Friday 6 January 2012

عامان ما رف لي لحن على وتر

  
 بينما اقلب بين قصاصتي القديمة , وافتتاحات القصائد التي لم تكتمل واسترجع تلك الفترة التي كنت مقتنعا تماما فيها باني شاعر ,  عثرت على دفتر قديم مكتوب عليه (تدوينات رومانتيكا ) الذي كنت اخط به التدوينات قبل ان انقلها الى مدونتي , لاني كعادتي لا استطيع الارتجال على لوحة المفاتيح , بل اكتبها بيدي اولا في دفتر خاص , ثم انقلها الى المدونة , عثرت على الدفتر فذكرني بهذه المدونة ,واعادني الى حقبة ماقبل الفيس بوك , وفجاة سرى الحنين في جسدي الى التدوين  , وجرت دمعة ساخنة من عيني حزنا على حبيبتي الاولى التى تركتها مهملة وجريت بشهوانية خلف تلك العشيقة الجديدة المسماه بالفيس بوك . وكيف كان للتدوين طقوسه الخاصة وحميميته ودفئه إذا ماقورن ببرود كتابة استيتس على الفيس بوك , واسترجعت رفاقي في التدوين وكيف كنا نتشارك الافكار وكيف نهدي ال(تاج ) لبعضنا بعضا كاهداء الورود بين المحبين , والتاج لمن لا يعرفه هو مجموعة من الاسئلة يتم الاجابة عنها في مدونتك ثم يتم تمريرها الى الاخرين , ولم يكن في حقبة التدوين مايعرف بالكوبي والبيست او اللايك الخالي من اي مشاعر , اذا قرأت شيئا او موضوعا اعجبك لا مفر من ان تكتب تعليقا تبين فيه اعجابك بما قرات , ولا يستطيع احد ان يزعجك بتاج في صورة لاتخصك مثل الفيس بوك المزعج , وكيف خرجت بمجموعة من اروع الأصدقاء من التدوين فاتخذت قرار مبني على حالة النوستالجيا تلك التي انتابتني : قررت ان اعيد الحياة الى مدونتي واعود لاعيش بين تدويناتي , لاتواصل مع اصدقائي الذين هجرتهم الى ذلك المجتمع الصاخب المسمى بالفيس بوك .

Thursday 6 November 2008

إليكي

فكيف أنام وقلبي لديك
يناجيك عشقا فهل تعلمين
أحبك فعلا وقولا اليكي
وفيك الحياة ومنك الحنين
سافني حياتي بين يديك
وأبذل في راحتيك السنين

Friday 11 July 2008

حفل توقيع شباك الروح

الكتاب موجود في السوق
في أكشاك ومنافذ بيع
جريدة الأخبار

القاهرة

عمر بوك ستورز - وسط البلد
دار المدى - أمام ريش كافيه
مكتبة مدبولي - ميدان طلعت حرب
مكتبة البلد - أمام مدخل الجامعة الأمريكية
الكتب خان - المعادي الجديدة ش اللاسلكي
فيرجين ميجاستورز- سيتي ستارز
مكتبة الشروق - سيتي ستارز


بلقاس

مكتبة الفارس - أمام حلواني المنير


المنصورة

بوكس آند بينز
الطوخي.. شارع جيهان
أمام مصر للطيران
الأتوبيس الدولي ش جمال الدين الأفغاني
عبد الوهاب.. أول السكة الجديدة
السيد مصطفى.. أول توريل
دوران جديلة أمام الأمن المركزي
ش البحر بجوار بنك مصر

دكرنس ، المنزلة ، المطرية ، الجمالية
دمياط ، شربين ، بيلا ، فارسكور ، الزرقا





Saturday 21 June 2008

حلم

أعيش وأحلم بحلم يعيش
وتوب الحلم مايكفيش
ومركب صبري متوديش
فاعيد الحلم من تاني

ببيت حته من الجنة
وانا بحبيبتي باتهنى
وحبة الحزن يستنى
فافوق واغرق في احزاني

واعيد الحلم من تاني

بصاحب في الزمان قنديل
وفي السكة يكون لي دليل
يشيل وقت الحمول ماتميل
فافوق ولالقيني وحداني

واعيد الحلم من تاني

بكلمة تداوي ولا تجرح
بود وطيبة راح تطرح
وفينا الحب ليه مطرح
الاقي الكلمة قاتلاني

فاعيد الحلم من تاني

أكون فارس في ليل حواديت
فتحت بلاد كتير وغزيت
على رووس العدا غنيت
فالاقي مخاوفي منعاني

فاعيد الحلم من تاني

بلادنا تشيلنا في عيونها
ونخلص ليها مانخونها
ندافع عنها ونصونها

والاقي بلادي رافضاني

فاعيد الحلم من تاني

Wednesday 23 April 2008

أولى اصدارات جماعة إضافة الفنية



صدر هذا الأسبوع ديوان
كأنها أنا
للشاعرة / أمل جمال
وديوان
آخر حدود الوطن
للشاعر / علي عبد العزيز
حفل توقيع الديوانين غدا
الأربعاء من الخامسة حتى الثامنة
في اتحاد كتاب مصر بالدقهلية
بجوار الأتوبيس الدولي

Sunday 9 March 2008

أنا الشــهيد


أنا الشهيد
فلتنصبوا جسد الشهيد هنا في وسط العراء ليكون رمزا داميا
للموت من أجل الحقيقة والعدالة والإباء
قطراته الحمراء تسرح فوق أطباق السحب كي تصبغ الأفق الملبد بالعداء
ببعض ألوان الإخاء
من قلبي الدامي ستشرق روعة الفجر الجديد
من حر أكباد العطاش سينبع الزمن السعيد
طوبى لمن يعطي الحياة لقيمة أغلى عليه من الحياة
طوبى لأنباء الحقيقة أدركوا أن الإباء
هو الطريق إلى النجاة
وتذكروني دائما
فلتذكروني كلما استشرت طواغيت الظلام
وإذا عدت كسف الجوارح فوق اسراب الحمام
وإذا طغت نوب الحروب على نداءات السلام
وإذا تمطى الوحش في الحقل الندي
يلوك أحشاء الصغار
وإذا طغت قطع الغمام
على وضاءات النهار
وإذا تأجج في النجوم بريقها تحت العواصف
وإذا تمزق أمن تحت المخاوف
وإذا مشى الفقهاء مخذولين
يلتمسون عطف الحاكمين
وإذا إنزوى العلماء خوفا من صياح الجاهلين
وإذا أوى الضعفاء للأحلام يقتاتون بالأمل الحزين
,غذا دجا ليل الخطايا
وإذا تبجحت الدنيا
وإذا الفضائل أصبحت خرساء عاجزة وصوت الشر صداح مبين
------
عبد الرحمن الشرقاوي

Monday 25 February 2008

كفـــــــاية كدة

ـ(عايش بلا قلب ولسان
وعقلي بعته من زمان
والحق طالع صوت جبان
وشعري مكسور الميزان
وخالي من كل الحكم
المعنى تايه في الكلام
(باكتب قوافي والسلام
ده رأي شعرائنا العظام
بطل كتابة باحترام
بطلت وكسرت القلم
الشعر عقد وليه نصوص
أول شروطه تكون عبوس
وقطع القافيه بموس
وإوزن بميزان الفلوس
ودوس غريمك بالجزم
وإياك ياصاحبي تمد إيد
لأي شاعر بان جديد
وانقد بنقد من حديد
هتكون على الساحة الوحيد
وهتبقى شاعر محترم
كان حلمي ابقى في يوم نضيف
شاعر بفكر ونور وسيف
أعيش أحارب للضعيف
وف دنيا غدر أكون شريف
أحلامي موتها الألم
ياللي في يوم قريت لي بيت
ندمان عليه....أديني جيت
أسف كتير وبأقول ياريت
تنسى كأنك ماقريت
أشعاري يمحيها الندم

Thursday 21 February 2008

تكافؤ



هل من الصَّعبِ على القِرْدِ
إذا ما مَلكَ المِدْفَعَ
أن يَقْتلَ فِيلا ؟


ما افتخارُ اللِّص بالسَّلبِ
وما مِيزَهُ من يَلبُدُ بالدَّربِ
ليغتَال القَتيلا ؟


* * *
احمِلوا أَسْلِحَةَ الذُّلِّ وولُّوا
لتَرَوا


كيفَ نُحيلُ الذُّلَّ بالأحجار عِزّاً
وَنُذِلُّ المستحيلا



-------------


أحمد مطر



Wednesday 13 February 2008

إحتضــــــــــــــار الأمل


الأمل
في مهد الحياة

يلفظ النفس الاخير
وأنا بين يديه
صارخا
اما للموت من تاخير
لا ترحل ونيسي
انت الدليل
وانت للدرب المنير

كيف الحياة بلاك
انت في دمنا
تسير
بموتك
تفنى الحياة
وينتقص عمري القصير

وصمتت حينا
ارقب العبرات
تجري كالغدير

رحل الامل
صامتا
ووقعت في ياسي أسير

Saturday 9 February 2008

ستعـــــــود


هوَ

لذت بعينيك قديما....
باحثا عن السكن
رحلت دونك
كالغريب...بلا وطن
ذقت ألوان الهوان
جرعت كاسات المحن
وفنيت بالبعد الطويل
حين توقف الزمن
وماوجدت سواك
قلبا يؤتمن
أضعت اوراق الغرام
بعت عمري بلا ثمن

________




هيَ

تنقل حبيب العمر
في زهر الغرام
وحلق في سماه
لتعصر بالزمان
وتفرك في رحاه
ومهما ذاق قلبك
من كاس الحياه
فالقلب دارك
لا سكن سواه
ستعود ليحتويك
وتحيا في سناه
فأنا الغرام
وقلبي منتهاه

______

Sunday 3 February 2008

نجحت




نتيجه خامسة بانت ونجحت

الحمد لله

تتويج لتعب 14 شهر
يارب عقبال ساتة

Thursday 31 January 2008

تـــــــــــــــاج الجزيرة


بداية دي اول مرة استقبل تاج
فيه اسئله من النوع ده والتاج ده من الصديقة المدونة دودو واللي باشكرها على تمريرها التاج ده ليا وانا ان شاء الله حاسس انها هتوديني في داهية بالاسئلة دي


هل توافق على حذف خانة الديانة من البطاقة الشخصية ؟
لا طبعا لا اوافق أولا لانها لا تحتوي على اي تفرقة عنصرية بل هي مجرد لتحديد الهوية
يعني مثلا لو الشخص ده مات في حادثه لا قدر الله واسمه اشرف مثلا ولا كمال يعني حاجه مش محدده للدين
هيتصلى عليه ويندفن في مقابر المسلمين
ولا يندفن مع المسيحين
وكمان علشان ميحصلش لعب بالنسبة لزواج الفتيات المسلمات من النصارى أو الطلاق في بعض ملل النصارى
يعني المسألة كلها تحديد هوية علشان المعاملات اللي بتتطلب تحديد الدين
ولا احنا بنشغل نفسنا وتدور عالمشاكل من علوم الله


ما رأيك في المثليين ؟ هل ترى انها حرية شخصية ؟ هل توافق على الاعتراف بالمثليين ؟ هل لك اصدقاء من المثليين ؟
أولا :
احنا مش هنيجي بين يوم وليلة نغير نظرة مجتمع بالكامل لاشخاص زي دول احنا من يوم ما ظهر فعل زي ده في التاريخ وكل المجتمعات بتلفظهم ودي حقيقة غير قابلة للتغيير والا مكانش المجتمع سماهم شواذ واللي غيروها دلوقتي للمثليه
طبعا انا باعتبرهم مرضى نفسيين او عندهم حب الظهور وعايزين اي حاجه يحاربوا علشانها
اولا دي علاقة منافية للطبيعة البشرية وللسبب اللي ربنا خلقنا علشانة لانها علاقة غير مثمرة
وبتتعارض مع الغاية من الزواج وهي اعمار الارض

ثانيا:
هما حرين يعملوا اللي هما عايزينوا لكن مايطالبونيش اني اعترف بيهم
ايوه هيا حرية شخصية محدش قال حاجه
بس ميجيش يطالبني اني اوافق على اللي بيعمله
والا شوية يطلع جماعة للمطالبة بالاعتراف بحق الزناة في اللي بيعملوه
وحق اللصوص والمزورين
وهكذا
يعني يعملوا اللي بيعملوه لكن انا شايف انهم غلط والمجتمع شايفهم كدة ويكفي انك تقول لاي شخص في الشارع انك كدة وشوف هيبصلك ازاي
ثالثا:
يعني ايه الاعتراف بيهم
مانا معترف انهم موجودين ولا هما عايزنا نعترف انهم كويسين وحلوين وكويسين

رابعا:
طبعا لا معنديش اي اصدقاء من النوع ده وانا عارف ان ناس كتير هيقولوا عليا رجعي ومتخلف بس عمر الانحلال والسفالة مكانت تقدم
ولازم نعرف ان على مدى التاريخ الانحلال الاخلاقي بداية انهيار اي أمة

هل تعتقد بوجود إضطهاد للمسيحين فى مصر ؟
لا طبعا
يعني ايه اضطهاد
هما مواطنين زيهم زي المسلمين ومحدش قال انهم من فئة تانية غير المسلمين
ومن حقهم يعيشوا بحرية تامة وده اللي حاصل فعلا
الاضطهاد في مصر لا يفرق بين مسلم ومسيحي يعني عندنا مساواة حتى في دي
ده غير ان نص اقتصاد مصر في ايد اشخاص مسيحيين
(اتكلم من القلب)

من هو الشخص الذى تختاره لرئاسة مصر ؟
حسن شحاته

اذا قمت بتأسيس حزب سياسي من هم الاشخاص الذين ستقوم بضمهم فى الحزب ليشاركوك حكم مصر حال فوزك فى الانتخابات ؟
أنا رئيسا للحزب
ابويا امينا للحزب
أمي لجنة المرأة والطفل
ده يعني علشان بر الوالدين
هاضم طبعا الطاقات العقلية اللي في مصر
ولو حتى موافقوش هاجيبهم اعضاء شرفيين
د.محمد سليم العوا فهمي هويدي د. عبد الوهاب المسيري
إبراهيم عيسى
دول يعني مستشارين سياسيين
وبخصوص اللجنة الدينية للحزب
د.نصر فريد واصل
د.علي جمعة
الرياضه بقى .... مفهمش فيها
هاجيب احمد بن عمتي هو اللي بيفهم فيها قوي
يعني هتبقى احسن من دلوقت
وهاعمل وزارة للبحث العلمي مستقلة بذاتها لا هاعملهم وزارتين وزارة للبحث ووزارة للعلمي يالا محدش واخد منها حاجه
وهاجيب الدكتور فاروق الباز وزير للبحث العلمي والله يرحمه د.احمد مستجير ود.زويل ود.عبد السلام جمعة أبو القمح وميزانية مفتوحة وبما ان الميزانية مفتوحة والليلة سايبة
هاجيب اختى أمسكها رئيس المركز القومي للبحوث بدال معمل التحاليل اللي بيشتغل ساعة واحدة في اليوم
وهاجيب اصحابي بقى وهتبقى ليله


هل توافق على مشاركة كل من الاخوان المسلمين
و الاقباط فى الحكم ؟

طبعا ليه لا هما مش مصريين ولا ايه

في رأيك الشخصي ما هي اجمل مدونة قمت بزيارتها ؟
لا هما مش مدونة واحده
مدونة بنت بسيطة جدا
مدونة عايز اتجوز
مدونة روعة اللغة
paranoia,magnetic&dramatic girl
للذكور فقط .. ايهما تفضل من الاناث كزوجة , إمرأة عاملة ام ربة منزل ؟
لا طبعا افضل المرأة المثقفة اللي عنها طموح واللي احلامها مالهاش حدود وتقعد في البيت برضه انا مش هاغصبها طبعا بس انا باتكلم عن اللي انا حابه
الست ليها ايه غير بيتها وجوزها


للإناث فقط .. هل توافقين على الزواج من رجل مطلق ؟
هو المطلق ده مالوش حق يعني يتجوز

إتزوجت و أنجبت ولدين و بنتين ؟؟ أى الاسماء تحب ان تسمى
ذا نفسي اسمي فراس وفارس علشان يقولوا لي ابو فراس يعني
والبنات رغد وجميلة
هل تعتقد ان توريث الحكم فى مصر سيتم فعلا ام لا ؟
التوريث فعلا تم بس بيتم تجهيز سيناريو لاعلان ده

في رأيك الشخصي ما هو افضل إنجاز لحكومة مبارك ؟ و ما هو اسوء عمل قامت به ؟
القضاء على الانفجار السكاني
في العبارة والقطر ومسرح بني سويف واكياس الدم الملوثه وانفلونزا الطيور وكتيير
اسوأعمل قامت به
تصدير الغاز الطبيعي وحديد التسليح بما فيهم اسرائيل برخص التراب وده اللي رفع اسعارهم عندنا
لمن تمرر هذا التاج ؟
حلاوة وحبيبةوحياة قلب وعينان والخيط الرفيع وعاشق الروح وسكايار طبعا ولاي حد يعجبه التااج وعايز ياخده

Wednesday 30 January 2008

حجر


بعض القلوب مياهها
تهتز من اثر الحجر
والبعض كالثلج السميك
لا يحدث الحجر الاثر
بين الركود والاهتزاز
نجرح وحينا ننكسر
وتغوص بالقلب الحجارة
نعيش حينا تنتظر
حجر يعود يهزنا
يخرجنا من كهف الضجر

Saturday 19 January 2008

وجه حزين للقمر


هلَ القمر
ماذا دهى وجه القمر
اضحى حزينا متعبا
وجه تعبأ بالحفر

...
تعب القمر
وخبا الضياء من الضجر
مل الحلول والإرتحال
طال العناء من السفر

...
وبكى القمر
بث الهموم الى الحجر

...
آه ياحجر
نالني يأس السنين
و هدني عجز الكِبَر


ماعاد بالدنيا رجاء
ماعاد أملا منتظر

....
قل ياحجر
كيف الرحيل عن الهموم
كيف الهروب من القدر
ماللقلوب تغيرت
ماذا دهى طبع البشر

...

كنت ونيسا للطريق
كنت نديما بالسهر
كنت انيسا بالظلام

امان ان لاح الخطر
الهمت شعراء الغرام
رعيت عشاق السحر
صادقت اوراق الخريف
هويت زخات المطر
حتى اذا شاخ العمر


اه من غدر البشر
قابلت نكران الجميل
وصرت ذنبا يغتفر
اه ياحجر
اوكلما هوت الثمار
ومات بالغصن الزهر
تخلصت منها الشجر
سكت القمر
وبكى الحجر
ومضى وحيدا
وانتحر

Thursday 27 December 2007

كـــــــــان وهماً


سائـلت قلبي عن هواك اجـابني * وهم وليس غرامنــا بيقين



لا تصلحين بدرب العمر صاحبة * والعشق في عينيك لا يكفيني



ماعــادت سهام عينيك تصيبني * ولا رماح بنظرات ستدمينــي



أعليت صرحا للبـــــــــعاد وقلعة * اسوارها من نار الهوى تحميني



ماعاد للقلب انشغالا بالــــهوى * لا البعد يقلقني ولا الوصل يعنيني



حررت قلبي من قيد يدمرني * فالكبر فيك ..........مخالف تكويني

Friday 21 December 2007

قل كلمة حق


ماكنت لأعرف من قبل
أن ضمير الرجل يموت
ويبقى الرجل مع الأحياء


إنك تعرف أنك تدلج في الباطل
أنقذ نفسك
حطم سجنك
قل كلمة حق مرة
لا تجعل صدرك قبر الكلمة
الكلمات تموت هنا في صدرك هذا ياويلك
لتصبح قبراُ يتحرك
ويسيل الدود على جسدك
يقتات بانبل ماعندك
وتحسب نفسك حيا بعد

مانت بحي
_______________



الكلمات من رائعة عبد الرحمن الشرقاوي الحسين شهيدا

Monday 17 December 2007

تهنئة عامة وتهنئتين خاصتين













كل عام وانتم بخير بمناسبة عيد الأضحى المبارك




اعاده الله على الامة الاسلامية بالخير واليمن والبركات




________________





التهنئة الخاصة الاولى


حلاوة بك استاذي

كل سنة وانت طيب وبخير وسعادة وربنا يحققلك اللي في بالك

علشان العيد ين عيد الاضحى وعيد ميلاد سعادتك
رغم اني مشفتش تورتات من عندكوا لا في عيد ميلادك ولا ون ترو
يالا احنا بنعمل لله مش علشانكو
وانشاء الله السنة اللي جايه يبقوا حفلتين مع بعض
طبعا فاهمني
_______________
التهنئة الخاصة التانية
تاتاتاتاتا
صحوت من النوم على صوت الابواق الملكية
لتعلن نبأ هام
وتزف البشرى الى الشعب السعيد
لا مش ممكن ايه اللي انا سامعه ده
اخيرا الطاغية تنازل عن طغيانه
كان النبا هو اعلان خطبة الطاغية السكايار للاميرة بطوط
احدى نبيلات التدوين
وانا من موقعى هذا
ابارك هذه الخطبة السعيدة واقول لهما بارك الله لكما وبارك عليكما وجمع بينكما في خير





Thursday 29 November 2007

ملهمة



لكل كاتب تجربة
ولكل شاعر مُلهمهْ
يوصف جمالها
وف عيونها
الف وغنى مَلحمهْ
وكل يوم ..يشوفها فيه
يرسم عيون متبسمهْ

وكل كلمة حُب قالها
علشان عيون المُلهمة
......
يمكن صحيح شاعر انا
باكتب غناوي ودندنة
باكتب قصايد انما

عمري ماعشت ف تجربة
عمري ماكان لي مُلهمهْ

باكتب غناوي غزل وحب
عن ضحكة صافية وفرح قلب
والدمعة فيا مِعَلِمَهْ

واوصف واقول اني أمير
أعيش في قصر ..البس حرير
وانا في اودتي عالسرير
لابس بيجاما مقلمهْ

بوصف طيور
ساكنة السما
رافضه تعيش متكممه

رغم ان أنا
قلبي اسير
عمره ما يوم شاف السما

بوصف في شمس
فــدنيا ضي
ودنيا قلبي مغيمهْ

بوصف قلوب
كارهه السكات
بوصف قلوب متكلمه
وفقلبي محبوس الكلام
كل كلامي
همهمة
حتى الغناوي
بالسكات
جوه اللسان متلجمة

بوصف عيون

عاشقة الغنا

بالحب ليا مِسَلمهْ

بوصف تجارب
دنيا واسعة
وأنا تجاربي منمنمهْ

بوصف في برج
نجاح كبير
وانا في اول سِلمة

وعكس كل الشعرا دول
كان في حياتهم ملهمهْ

أما انا
واللي كتبت بمَعلَمهْ

عن حب كان .... وعيون تبان
لو وسط دنيا مضلمهْ

ملهمتي قاعدة فوق كتاب
ملهمتي كانت ........... مَقَلمة

ملهمتي كانت مقلمة

Friday 16 November 2007

قليل من الصمت


خرس اللسان عن الكلام واحجما......فلم أجن شيئاً منه حين تكلما

Friday 26 October 2007

فى بحر عينيك


أغرقت قلبى ببحر عينيك

وفى سحرهما تلاشى الزمان

دعينى غريقا على شاطئيك

لأنسى بقربك حدود المكان

أحلق فوق قلاع اليأس

وأهرب من صدى الأحزان

أرى عيناك منارة عمري

ودفئي في مدى الحرمان

أعانق قلبك بين ضلوعي

وأحيا في الهوى إنسان

أعليك على رأسي تاجا

فتهاب لطلعته التيجان

أوليك على قلبي ملكا

ولدنيا العشق أنا السلطان

وان لذت يوما ببابك غريبا

فلا تقتلي الحب قبل الأوان

لنحلم سويا ونكتب سويا

قصائد تحفر بالأذهان

يغنيها الدهر في عيد حب

تقاوم في ابياتها النسيان

فلا تتركيني بليل قتيل

وصمت أطبق بالجدران

تعالي نبث الليالي هوانا

وانشد في عينيك الأمان

تعالى لا تتركيني وحيدا

اناجيك شعرا بكاه اللسان

ففي عينيك نسيت الكرامة

وبعت الإباء قبلت الهوان

وإن فرقتنا الحياة نعود

قلبان في الأحلام.... يلتقيان

Monday 15 October 2007

الباطنه وانا


قاعد على شطنا وأصحابى طير ونخيل

بحب صيد السمك والبحر ماله بخيل

طرح نخيله تعب ودارى شمس الأصيل

وزادنى عتمه وشجن وسقانى ليل على ليل

قلب عليا الهموم والدمع والمواويل

بدل غنايا بكا قلت أشتكى للنيل

فلمحت نور من بعيد بدد ظلام الليل

أنا قلت يمكن قمرولاشعاع قنديل

أتاريها طيف جنيه سمعت بكا وعويل

قالتلى ايه يابن آدم بتبكى ليه يا جميل

قولتلها الباطنه طويله متلخصه ف كشاكيل

قالتلى خش وهتنجح واياك تقول تأجيل
---------------
دعواتكم ياجماعة الامتحانات قربت

Sunday 30 September 2007

عذرا نبينا


عذرا نبي الشجاعة
ان صرنا في غابة الحياة ضباعا
إن سمحنا للكلاب بالهجوم تباعا
إن حاولوا النيل منك
وما ملكنا دفاعا
صدقت... فإنا قد أضحينا قصاعا
تداعى الأكلة إلى رقابنا إقتلاعا
وصار الخوف والذل في دمنا طباعا
قتلنا المروءة والإباء تداعى
ونحن نزداد بالهجوم ارتياعا
ومازادك الهجوم غير ارتفاعا
فما ملكنا سوى السير بالركب انصياعا
ومخافة القوت هادننا الرعاعا
اغمدنا السيوف وهدمنا القلاعا
ومارتجفنا للذوذ عنك ذراعا
ولزمنا الجحور
فمالنا بالشجاعة باعا
ان نصبنا المال هـُبلا
والجاه ودا وسواعا
ان جعلنا الملك ربا او بكيناه التياعا
ان جمعنا الذهب سحتا .. وسلبناه انتزاعا
ان نسينا العلم فينا .. وهتكنا الرقاعا

------------------------

بينما اقرا الردود على احد الموضوعات لفت انتباهي رد باللغة الإنجليزية وكان هذا الرد معنون باسم-رابطة الرسوم المعادية لمحمد- او شيئ من هذا القبيل فهالني العنوان واكملت القراءه لاجد هذه المدونة وقد قامت بتجميع كل الصور والمقالات اللتي حاولت الإساءة للإسلام والتعرض للسيرة الطاهرة لخير البشر اجمعين وقد قام مؤسس المدونة بالاعلان عن تقبله لاية رسوم جديدة او اية مشاركات ويدعونا نحن المسلمين اصحاب البلوجات لذلك ايضا ثم انهى مقاله بان اسرائيل هي الارض المختارة(كشف الشر عن هويته)ـ



فوالله بكيت حزنا على ماوصلت اليه حالنا من هوان على الناس فقد بذا الغرب حملته تلك في بلاده اولا وفي مجتمعه وفي صحفه في محاولة لاستفزاز مشاعرنا وجس رد الفعل فلما وجد من تخاذل ولا مبالاة قام بتصعيد الأمر بالمبارزة بالاساءة في وجوهنا واستفزاز مشاعرنا بتلك الطريقة الفجة



فهي اساءة لنا نحن المسلمين وليس كما يقول معظم الناس -الرسومات المسيئة للرسول - فلم ولن يجيء على ظهر الارض من يستطيع الاساءة لشخص النبي فكيف يسيئ بشر لمن كرمه خير البشر بقوله تعالى (وانك لعلى خلق عظيم)وقد رد الله على كلام كل من حاول الاساءة للنبي بقوله نعالى(إنا كفيناك المستهزئين) وقوله(أليس الله بكاف عبده)ـ

----------------------------------------------------------------------------------------------



فاني اقترح على كل اصحاب البلوجات انشاء بلوج باسم (محمد رسول الانسانية)مثلا لنقوم فيه بالرد على اولئك المدعين وذلك بنشر ترجمة سيرة الرسول صلى الله عليه وسلم او بايراد اقوال المستشرقين حول اخلاق النبي صلى الله عليه وسلم واخلاقه مع غير المسلمين وفي الفتوحات والغزوات ومع الاسرى ليعلم العالم باسره انه لم يسير على ظهر الارض من هو اشرف ولا اطهر ولا اكرم من محمد صلى الله عليه وسلم

واوجه تلك الدعوى الى كل اصحاب المدونات المنصفين مهما كانت ديانتهم لان البحث الموضوعي في حياة اي شخص لا دخل له بالاختلاف العقائدي مع هذا الشخص وخير مثال على ذلك مايكل هارد صاحب كتاب العظماء مئه واعظمهم محمد

__________________

ارجو اخذ موضوع المدونة على محمل الجد وارجو التنفيذ في القريب

وارجو نشر الموضوع للاهمية

والله المستعان على ماتصفون

Friday 7 September 2007

دموع الكبر


ماذا تظنين نفسك فاعلة؟
سهرت لأجلك الليالي ونمتي
أتظنين الليالي عنك غافلة؟
كانت العين لسانا يناجيك الهوى
ارسلت قلبي بالنظرات تحمله
فوصدت باب الهوى بكبرك وانزويتي
ولكم خسرتي.. فالكبر في الحب مشكلة
--------
ماذا تظنين نفسك فاعلة؟؟
--------
تقابلين شوقي باعراض وكبر
الا تسمعين انيني وانت راحلة
ولكن يوما ستاتيني مقبله
وستطفي حبي رياح الهجرمنك
ولاجل حبي بليل البعد اقتله
--------
ماذا تظنين نفسك فاعلة؟؟
--------
كان طيفك للعين كل الاماني
نظرة منك للقلب غاية مأمله
كنت حديثا اناجيه الهوى
كنت سؤالا ظل قلبي يساله
كنت النجوم نراها رغم ابتعادها
كنت النعيم في خيالي اكمله
--------
فأنت ماضي وإن كنت واهما
انت للذكرى في قلبي مرحلة

Friday 31 August 2007

انـتـظــار


وأدت حـبي في لـيالي الإنتـظـار**** فـما نسيت عينيك ولا نقص الغرام

علا الشوق يوما فأعليتِ الجدار**** وكان قرار البعد منك انـتقام


أعلـنـتُ حـبي فأعـلـنـتِ القرار**** فلم تجدِ آهاتي ولا نفع الكـلام


ولمحت في عينيك نشوة الإنتصار**** نكأتْ جروحي وأبت معها الـتـئام


سهول هواك في الـبُعد أضحت قفار**** تموج باللواعج ولا تخفي احـتـدام


وأضحى ملـقـانا للذكرى مــزار**** يشفى الجراح وللسـلـوى مقــام


عبثا تقتلين الهـوى بأنانية الصغار**** فـأنـا لا أهـواكِ لكن أهـوى الـغـرام



Friday 24 August 2007

بحث عن ذات 2


اعجبتني كلمة للدكتور محمد اقبال حول الذات فاردت ان اطرحها عليكم بمناسبة القصيدة
يقول الدكتور اقبال في فلسفته عن الذات: ان القطرة في البحر, حين تقوي ذاتها تصبح درة
, إن الجبل إذا غفل عن ذاته انقلب سهلا , وطغى عليه البحر

وقوله : الذاتية .. مالذاتية ؟ ..انها يقظة الكائنات , إنها بحر في قطرة
, هي ضياء في القمر , وشرار في الحجر ..ماضيها الأزل ,وآيتها الأبد ..
إن سر الحياة ان يغوص الأنسان في نفسه . ثم يبرز منها ,
كما تغوص القطرة في البحر فتصير لؤلؤة ..
وان يتجمع الشرار تحت الرماد فيصير شعلة تبهر الأبصار

Saturday 18 August 2007

بحث عن ذات


قد فاضت روحى بالآهات

ولكن خانتنى الكلمات

وعصفت رياح الأنكسار

وثار موج الانفلات

واليأس تمكن فى دمنا

والحزن علينا يقتات

وصمدت زمانا فى وجه اليأس

فانطفأ الأمل وصار رفات

قد يحينا يوما أملا

فنفيق على يأس السكرات

تعلينا يوما ضحكات

تصطدم بارض الأنات

والعقل التقمته غيابات

فى قعر سجون وشتات

ومبادىء قد صارت تاريخا

وضمير فى وسن وسبات

وتصارع خير مع شر

والعقل تحيره النوبات

!!خير أم شر!! _حلو أم مر

أخطاء تمحوها توبات

فأسائل نفسى عن نفسى

أبحث عن ذاتى فى الطرقات

فى وجه الطفل الطاهر حينا

أو بين سكون الأموات

أأنا للخير وللطهر سبيلا

أم أغرق فى بحر اللذات

أملاك وردى القسمات

أم شيطان ملعون مطرود

منغمس فى دنيا الشهوات

أأنا ذاك الناسك حينا

أم عابد مال أو نزوات

أبحث فى ذاتى عن طفل

يغسلنى من دنس الهفوات

أبحث فى روحى عن سكن

يحمينى من نار الثورات

ابحث عن وطن لا يركع

عن وطن مرفوع الرايات

هو بحث طال عن الذات

عن روح لفظتها الأيام

عن قلب كسرته الأزمات

Sunday 12 August 2007

e-love....e-friend..e-notebook...إبقى قابلني





من صغري وأنا اعشق الادب(مش اللي فضلوه عن العلم) لا قصدي

القصة والروايات والشعر

وأعشق كتابة الادب اكتر من قرايته _نوع من النرجسية يعني_ وكتابة

عندي يعني كشكول 100 ورقة وقلم رصاص خشب وقعدة في البلكونة وجنبي كوباية شاي

, أو وانا قاعد باذاكر في ورق الدشت اكتب قصايدي في ضهر الورقة

اللي باذاكر فيها علشان لو حد دخل عليا واشطب عالكلمة دي وامسح الشطر ده

وارسم وردة وقلب جنب القصيدة

وكنت باستمتع بعملية الكتابة نفسها وكنت اكتفي بقراءي المتواضعين

من ابي وامي واختي اللي انا قارفهم معايا وماكانوش بيقولوا على اي قصيدة او قصة وحشة

او اوسع الدايرة شوية واعرضه على اصحابي .... او اوسع العملية قوي

وانزلها في معرض في الكلية

وكنت راضي بحياتي وكتاباتي وقلمي وكوباية الشاي بتاعتي .

لحد ماجه صديق السوء- حلاوة - وقاللي على حكاية التدوين

وقعد يحكيلي عن مدونته وبصراحة هو معلم واستاذ,

المهم انه اقنعني وقاللي عالجو وبهرني الموضوع وربنا يصلح حاله

هو اللي بيساعدني وياخد بايدي .ربنا يديله على قد نيته (لا بلاش دي)

يصلح حاله بس

المهم انه قالي جرب التدوين عالنت

,المهم قعدت عالكومبيوتر وانا علاقتي بيه لا تتعدى اني العب

need for speed او اتفرج على toy story

واذا بي اجد عالم آخر غير اللي انا عايش فيه

عالم ليها قضايا عايشه علشانها ومجتمع تاني وشباب تاني غير اللي باشوفهم عالقهاوي وفي الشوارع

بيعاكسوا البنات وبنات تانية غير اللي باشوفهم في الشوارع برضه علشان يتعاكسوا.

ولكن المشكله اني قعدت قدام الكومبيوتر علشان اكتب حاجة

..إن في وحي ينزل مفيش

اكتشفت حاجة ان الكلام عندي مرتبط بالكشكول والقلم الرصاص وكوباية الشاي

فقررت اني اكتب اي موضوع يدوي وبعدين اسجله عالبلوج

فانا باقول للناس ذوي الخبرة واخص بالذكر- المبدع حلاوة - ساعدوني ياناس

في هذه الدنيا الواسعة الملعبكة الجديدة عليا وتقبلوا اي اخطاء مني في الاول

انا كان ايه اللي زنقني الزنقة دي .. وشكلي هارجع للكشكول ..

هو راح فين ده باينه ضاع

وختاما ......سلام و وتحية كبيرة

في بيتنا هدف


الى كل كائن هلامي ...أهديك سلامي... وعليك هيكون كلامي

هتسألوني يعني إيه


كائن هلامي


الكائن الهلامي هو اللي مالوش اي لازمة


في الحياة واللي عايش في دوامة مش عارف يخرج منها ,نفس النظام ونفس الأحداث اليومية


بلا أي تجديد وتيجي تدور متلاقيش أي إستفادة,كل الحياة أكل ونوم وأغاني ونت وبنات


ومعاكسات .....بلا أي هدف يذكر


المعروف علميا إن


الهدف هو المحرك الأساسي اللي بيخلينا نقوم بأي عمل أو ناخد أي خطوة في حياتنا,


يعني المخ لازم يفكر ايه الهدف من الخطوة دي علشان يحرك الأيد مثلا ولو الأيد


اتحركت مثلا من غير سبب او هدف بتبقى حالة مرضية


والوصول للهدف في حد ذاته يعد انتصار للشخص في معركة الحياة.


والموضوع الأساسي الي باتكلم عنه هو موضوع البنات


وكلمة بنات دي مش قصدي بيها الحب لأ....أنا قصدي ان الشاب الهلامي يلبس ويتشيك


ويسقط البنطلون ويضرب جيل وينزل شارع حيوي(حيوي هنا يعني مليان بنات) ويقف عالناصية


يستنى البنات المعدية علشان يبص ع الرايحة والي جاية ويقابل ديه ينسى ديه , ولو كان


معاه عربية بقى ياسلام .... يرجع الكرسي ورا ويشغل الكاسيت ويعليه لحد ماهو شخصيا


يطرش من الصوت ويلف بالعربية في نفس الشارع الحيوي ويبص على نفس البنات اللي صاحبه


اللي واقف عالناصية بيبص عليهم وخد دة طول الليل ويوميا وحياته كلها بقت كدة وتحس


لما يفضي نفسه للمعاد المقدس ده كأنه بيعمل حاجه مهمة يعني . طيب وتيجي تسأله إيه


هدفك من اللي انت بتعمله هيقولك إنه شاب زي بقية الشباب ومن حقه يحب .. المشكلة إن


الكائن ده واللي حياته كلها بنات ميعرفش يعني ايه حب , محدش قالك متحبش وده حقك


المشروع كإنسان ومتسمعش كلام الأفلام بتاع مفيش حاجة اسمها حب والحب عيب

وإحنا مش بتوع الكلام ده


بس الحب حاجة كبيرة جدا وهدف في حد


ذاته ومش بس كدة ده ممكن يكون وسيلة لحاجات اسمى


طبعا هدف.... يعني انت بتصلي وتصوم وترضي ربنا علشان ربنا يحبك ده مش


هدف؟؟ ده اسمى هدف


وبتبر والديك وتسمع كلامهم علشان


يحبوك .. ده مش هدف!!


وبتقف جنب اصحابك في المواقف


الصعبة وتسد في اي مناسبة وتجري وتروح وتيجي علشان اصحابك يحبوك


وطبعا طبعا بتعمل قرد للشخص اللي انت بتحبه- شريك حياتك مستقبلا - ولو


طلت تجيب له حته من السما علشان يحبك زي مبتحبه قول بقى ان ده مش هدف وطبعا حبك


اللي انت بتغرق بيه الشخص اللي انت بتحبه وسيله انك تكسب رضاه


ومش بس كدة ده انا احط الحب ده كحافز ليا في حياتي .. يعني اني اخلص


تعليمي كويس-وان شوت يعني- واشتغل في وظيفة كويسة علشان اقدر افتح بيت كويس اعيش


فيه انا وبنت الناس اللي انا بحبها ماهو انا مش جايبها من الشارع يعني


ماهو انا لما أحلم باليوم اللي هيجمعنا سوا لازم يجي في الباك جروند


بتاع الحلم شكل البيت اللي هنسكن فيه وهنعيش ازاي ...

يعني الحلم يبقى على ارض ثابته


يعني برضه يبقى الحب هدفك وهدفك كمان انك


تحافظ عليه فى حياة كريمة لكن ان الحياة لحظات


من الاستمتاع التافه واللذة المختلسة كل يوم فكدة طبعا

بقينا مش الانسان للى له رسالة


عايش علشانها.


هتسالوني ايه الهدف من البوست ده


هاقولكم بلا اااااااا هدف