ـ(عايش بلا قلب ولسان
وعقلي بعته من زمان
والحق طالع صوت جبان
وشعري مكسور الميزان
وخالي من كل الحكم
المعنى تايه في الكلام
(باكتب قوافي والسلام
ده رأي شعرائنا العظام
بطل كتابة باحترام
بطلت وكسرت القلم
الشعر عقد وليه نصوص
أول شروطه تكون عبوس
وقطع القافيه بموس
وإوزن بميزان الفلوس
ودوس غريمك بالجزم
وإياك ياصاحبي تمد إيد
لأي شاعر بان جديد
وانقد بنقد من حديد
هتكون على الساحة الوحيد
وهتبقى شاعر محترم
كان حلمي ابقى في يوم نضيف
شاعر بفكر ونور وسيف
أعيش أحارب للضعيف
وف دنيا غدر أكون شريف
أحلامي موتها الألم
ياللي في يوم قريت لي بيت
ندمان عليه....أديني جيت
أسف كتير وبأقول ياريت
تنسى كأنك ماقريت
أشعاري يمحيها الندم
7 comments:
انت تذكرني بتميم حين يكتب بالعامية
رائعة كالسابقات
..
جعلتني اشعر انني امام شاعر
مقطوف من كل سماء
لن يحدث ابدا
انه أدلى بماءه
الا لأرض
تتشقق كي يخرج منها قمحا
يطفىء جوع الفقراء
بوركت
مبدع كعادتك تبهر كلماتك القلب كما العقل
تحياتي
السلام عليكم
كان عندك صدق احساس فابدع قلمك نقله
ولهذا فانت شاعرا
استمتعت كثيرا بهذه القصيدة
وهذه الابيات الجميله
كان حلمي ابقى في يوم نضيف
شاعر بفكر ونور وسيف
أعيش أحارب للضعيف
وف دنيا غدر أكون شريف
شاعر بفكر ونور وسيف
تقبل تحياتى
اشوفك بين حروفك
جميلة اوى
وبجد انت كده شاعر جامد جداً
تقبل مرورى :)
الشعر نبوة _ رساله_مادام العقل نبيا
ما دام الشاعر ليس نديما ليس بغيا
ليس بكداب الزفة
مادم الشعر صلاة لا حرفة
مادمنا نعرف حتي قانون الصدفة
ما دام العقل القلب هو الصدفة
هكذا قالوووووووووو
وانا اوافق
انت رأيك اية؟؟؟؟؟؟؟؟
ابقي طمني علي احوالك واسفة علي التقصير
محمد اشكرك جدا لانك سألت عني في غيبتي
كلامك جميل اوي واتمني تكون متقصدش بيه نفسك
لان الشعر مش بس اوزان وقوافي الشعر احساس صادق بيدخل القلب
واي حد ينجح في توصيل احساس ببراعتك دي يبقي شاعر
انا بقرا كلامك علي انه حدوتة شعرية ناعمة وبتدخل القلب
..
الله حافظ
دودو
Post a Comment