قد فاضت روحى بالآهات
ولكن خانتنى الكلمات
وعصفت رياح الأنكسار
وثار موج الانفلات
واليأس تمكن فى دمنا
والحزن علينا يقتات
وصمدت زمانا فى وجه اليأس
فانطفأ الأمل وصار رفات
قد يحينا يوما أملا
فنفيق على يأس السكرات
تعلينا يوما ضحكات
تصطدم بارض الأنات
والعقل التقمته غيابات
فى قعر سجون وشتات
ومبادىء قد صارت تاريخا
وضمير فى وسن وسبات
وتصارع خير مع شر
والعقل تحيره النوبات
!!خير أم شر!! _حلو أم مر
أخطاء تمحوها توبات
فأسائل نفسى عن نفسى
أبحث عن ذاتى فى الطرقات
فى وجه الطفل الطاهر حينا
أو بين سكون الأموات
أأنا للخير وللطهر سبيلا
أم أغرق فى بحر اللذات
أملاك وردى القسمات
أم شيطان ملعون مطرود
منغمس فى دنيا الشهوات
أأنا ذاك الناسك حينا
أم عابد مال أو نزوات
أبحث فى ذاتى عن طفل
يغسلنى من دنس الهفوات
أبحث فى روحى عن سكن
يحمينى من نار الثورات
ابحث عن وطن لا يركع
عن وطن مرفوع الرايات
هو بحث طال عن الذات
عن روح لفظتها الأيام
عن قلب كسرته الأزمات
20 comments:
سيدي أنا
مكس رائع نزاري على جويدة
باين قوي انك هرستهم
وطلعت بشخصية لوحدك
مضروبة في الخلاط من حاجات حلوة كتييييييير
طبعا عجبني شويتين جلد النفس اللي في الآخر
لأني بموت في كده وبحب أعمله كتير
حسيت اني بسمع
ماجدة الرومي في الخلفية
كلمات ليست كالكلمات
ومساء وردي الشرفاات
حاجة كده مش فاكرها قوي
رائع ياريس
للأمام
اولا الف مبروك على الحاجات الحلوه اوى دى ثانيا انت اى حاجه انت تكتبها تبقى حلوه جدا بس بجد انا هستنى منك القصايد الجميله زى ى الى انا قراتها زمان واجمل منها بكتير بس افكرك ان من اول القصايد الى تنشرها قصيدة ال عاصى فكرها ولا الى كانت رد على قصيدة 000000000000
واليأس تمكن فى دمنا
والحزن علينا يقتات
وصمدت زمانا فى وجه اليأس
فانطفأ الأمل وصار رفات
قد يحينا يوما أملا
فنفيق على يأس السكرات
دي انا بسميها كآبة يا دكتووور
هوه بصراحة اسلوبك جنان ... لكن القصيدة حسستني انها فقدان للذات أو فقد للذات مش بحث عنها
كل ما أدخل أقولك البقين دول النت يفصل الحمد لله انه موججود دلوقتي
ايه ياابنى الاسلوب العاصف ده احنا محتاجين لحد يصحى فينا احساسنا بالذات وكمان علشان نبعد عن الياس لابعد الحدود او ل قصيده ليك رائعه يلا امتعنا كمان وكمان
ايه يابني الحلاوه دي
والله انا ما كنت اعرف ان معانا ناس فاجره كده
المهم يعني انت كمل بس وربنا معاك واحنا اكيد طبعا
بس برده خلي جانب بسيط اوي من حياتك لل م ذ ا ك ر ه
هههههههههههههههههههه
يلا سلااااااااااااام
واليأس تمكن فى دمنا
والحزن علينا يقتات
وصمدت زمانا فى وجه اليأس
فانطفأ الأمل وصار رفات
قد يحينا يوما أملا
فنفيق على يأس السكرات
الحته دي حصلت معايا...بس كنت بكابر علشان برتاح مع فكرة الامل والحياة حلو والنضارة البمبي انا اصلي سكنه فكريا في الحته دي
فخبطني بحاجة مش عايزة اعترف بيها بس كانت واقع بحاول ابعده
اسفه لو برسم الكلام عليا هحاول ابعد عن الفكرة دي
والعقل التقمته غيابات
فى قعر سجون وشتات
ومبادىء قد صارت تاريخا
وضمير فى وسن وسبات
وتصارع خير مع شر
والعقل تحيره النوبات
الكلام دا بيرسم بقي اللخبطة اللي الشباب عايش فيها فعلا احنا نيجي ننضف مش متاح ليه وانت تبع اي بوكس
نجرب نكون غير كدا مش بنعرف ونفسيا تلاقي حاجة حبستك جواك انت مش زيهم مهما حصل خليلك خط لا تنحدر عنه
مهما حاولوا خليلك ايد في حياتك ما تبقاش شهيد تجاربك لانك بكده تبقي مفعول مش فاعل
فأسائل نفسى عن نفسى
أبحث عن ذاتى فى الطرقات
كانت طبعا مشكله جديدة
وبالاخص لما تكون استاذ في الموضوع دا معاك ومع غيرك..... ويحصلك اتشك فبتكون مش متقبل امام نفسك انك تبقي في التوهان والغفله او تعيد رسم وتلوين نفسك والدنيا يبكون صعب الهد والبنا فيك قوي بعد رحله ست سنين
بس كان الموضوع قلم علي وشك تررررررررررررراخ
بطل حاجات حلوة
والدنيا كدا
ولو مش عاجبك
مش مهم
انت أقل من انك تحلم في بلدك ليك او لبلدك
ابحث عن وطن لا يركع
عن وطن مرفوع الرايات
هو بحث طال عن الذات
عن روح لفظتها الأيام
عن قلب كسرته الأزمات
بس هقولك اخويا الكريم هنا انا ابحث عن نفس لا تركع ولا تتهز من الازمات
ودا اكيد هيكون بعدين في الازمات الجايه
اسفه طولت عليك
بس أكيد براحتي
ما هما التيم يعني عرفوني انك جيت هناك في بيت العيله البيت الكبير
تبقي مننا وبلوجتك بيت من بيوتنا
لان اي حد يمت للمكان وللناس دي بصله
بنبصله انه اخ واهل وناس
حتي لو مكناش شفناك
مش مهم بردوا واحد مننا
وبعتذر علي التطويل بس حضرتك السبب فكرتني بلعبه لم ولن أقبل الهزيمه فيها
وأكيد هيكون في جوله تانيه مش هقف مكسور في جمب تاني
ودي الضربه اللي لما ما كسرتنيش قوتني
انا يمكن اول مرة أعترف بالفكرة دي عندك
عارف يا عاصى
القصيده دى ميزتها انك حاسس بيها ساعات الواحد يحس انه تايه مش عارف هو فين ولا هو ايه
أبحث عن ذاتى فى الطرقات
أأنا للخير وللطهر سبيلا
أم أغرق فى بحر اللذات
أم شيطان ملعون مطرود
أم عابد مال أو نزوات
بس بتهيالى ان مفيش فينا حد من الاربعه العمليه مكس شويه تدين وساعات برده شوشو الضعيف بيخليك تاخد غطسين فى بحر اللذات بس مش تغرق وترجع تفوق بس المهم انك ترجع
بجد البدايه حلوة بس حساها حزينه شويه او كئيبه ليه كدة كمان واضح فيها الحيرة اللى حيرتنى معاها ومبقيتش عارفه أانا للخير وللطهر سبيلا ام اغرق فى بحراللذات على العموم الى الامام واتمنى اشوف لك قصايد تانيه احلى ان شاء الله
Hi there,
You are chosen to represent your country in the first international blog
WUB (World United Bloggers)
The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.
If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.
Thanks
Chief WUB,
Sharm .
www.worlub.blogspot.com
ياعم سكايار هو ده الواقع مش كآبه ولا حاجه هو فعلا الياس تمكن في دمنا ولو كان في ذرة تفاؤل مكانش ناس اعرفها هاتسيب مصر وتسافر الامارات ولا ايه وبعدين انا فعلا بعيش حالة تخبط مش عارف امسك الخيط اللي امشي وراه في حياتي وعلى العموم كانت فرصة سعيدة جدا وانا عارف انها جت في وقت متاخر
استاذي حلاوة
انت شرفت البلوج ورايك انا باتعلم منه وانا فعلا باحب اقرا لفاروق جويده بس انا كاتب الكلام ده من الواقع اللي انا باعيشه و اذا كان الاسلوب واحد الا ان فاروق جويده بيبص للحياه بمنظار وردي رومانسي واعتفد انه عرف له سكة يمشي فيها ونجح ووصل للي هوه عايزه
لان كل كلمة في القصيده بتعبر عني فعلا لان انت عارف اني لسه موصلتش لحته الحرفية بتاعة الشعرا دي يعني لازم اكون عايش الحاله اللي باكتب عنها
واخيرا انت شرفت البلوج
القصيده دي جامده اوى يا عاصي وان كان فيها سنه كآبه يعني احنا مش ناقصين وانت عارف,وان كانت هي الواقع والحقيقه لكن صدقني الواحد هيفضل طول عمره يبحث عن ذاته علشان يعيش لان الحياه هي (التناقضات)ومن غيرها هتبقي الحياه ممله, وغير كده وكده معني انك تلاقي ذاتك دي يا ابو ذات يبقي انك توصل للكمال والكمال لله وحده فأبقي قابلني..........
عايزين حاجه تنسينا الهم والغم اللي احنا فيه,وبعدين وانت متفائل بتبقي احسن بكتيييييييير.
بس بجد القصيده روعه وشد حيلك واحن كلنا معاك لحد ما يبقي اجمد بلوج في الكون-وان كان هو كده فعلا.
بالحق ياريت تبطل تزعل مني علشان اي حاجه عيب ده احنا (اخوات).
جميلة جميلة جميلة
كنت فين من زمان يا أستاذ
مهما كتبت مش هقدر أوصف إحساسى بالقصيدة دى إيه
أنا بكلمك دلوقتى و أنا بسمع موسيقى الإرهابى للرائع عمر خيرت فلك أن تتخيل الموسيقى مع الكلام عملوا فيا إيه و خصوصا إنك فكرتنى بفاروق جويدة أوى هذا الرجل الرائع جدا
و الله العظيم إنت من أكتر الموهوبين تألقا اللى قرأتلهم من ساعة ما عملت بلوج
لك و لكلماتك إنحنائة إحترام أتشرف بها
على فكرة نفسى أعرف رأيك بجد فى موضوع قديم كدة أنا كتبته إسمه الوحدة أتمنى أعرف رأيك بدون مجاملة
تقييمك للموضوع مهم جدا
و شكرا على إبداعك الرقيق دة
أبو عاصي دا رابط المدونة بتاعتي http://cloudno5.blogspot.com/
عايز رأيك في آخر تدوينة
أنا محمود صاحبك في الراوند
دكتور وشاعر و كاتب غصبن عنك و لو عندك مانع انزلنى و تعالى عندنا و حلاوى هيدلك على العنوان
عنوان بيتنا زى ما كان بس انت نسيت العنوان
صعبه اوى و بتوجع اوى اوى
جميل لما تبقى لواقف لنفسك صح تحاسبها و تظبطها بس برده لما ابقى شديد اوى اكتر م اللزوم فانا كده باخد من ذاتى و اضعف منها
ممكن بنغلط و ممكن بنتوه ف وسط المشوار و ده بيحصلنا و بيحصلى انا كمان بس بفتكر انى انسان مش كامل و الاخطاء عندى زى ما هيه سلبيه زى ما هيه ايجابيه لانى بفتكر انى انسان بس بشرط انى مبقاش مصر عليها لو بعملها و انا عارف انها غلط
طيب اقلك على حاجه تخيل كده لو حد مننا لم يخطئ يوما كان هيبقى عامل ازاى
متحكمش قيودك و سيبها و
اختار طريقك و رفيقك اللى يناسبك
شد حيلك الامتحانات قربت
ربنا يعينك
بجد شعر رائع وكلام خارج من القلب عشان كده دخل القلب علطول والاكثر من كدة انة مراية لافكارنااحنا صح ولاغلط فريق الخير ولا الشر؟؟؟؟على العموم كلام رائعبجد ربنا يوفقك
قصيده تحفه والله وانت اى حاجه تكتبها جميله
الله كلااااااااام جامد جدن
أكيد فى امل مهما كانت الحياه صعبه لازم تبقى متأكد من جواك 100%100
بس
اه اول مره ازور البلوج بس ان شاء الله مش هتكون آخر مره
سلااااااااام
موضوع رائع
وواااااقعي الي حد كبير وبيعبر فعلا عن الحاله اللي احنا عايشينها دلوقتي بس انا كان نفسي يكون جلد الذات اقل شويه من كده وتكون معاني الامل والدعوه للحياه اكتر بس جميل وعلي العموم انا مبسوط ان عندنا ناس بتفكر وبتحس بجد وان احنا مش فى زمن المسخ ولا حاجه لا لسه بنحس زويارب بالتوفيق دايما يا جميل
Post a Comment