أعيش وأحلم بحلم يعيش
وتوب الحلم مايكفيش
ومركب صبري متوديش
فاعيد الحلم من تاني
ببيت حته من الجنة
وانا بحبيبتي باتهنى
وحبة الحزن يستنى
فافوق واغرق في احزاني
واعيد الحلم من تاني
بصاحب في الزمان قنديل
وفي السكة يكون لي دليل
يشيل وقت الحمول ماتميل
فافوق ولالقيني وحداني
واعيد الحلم من تاني
بكلمة تداوي ولا تجرح
بود وطيبة راح تطرح
وفينا الحب ليه مطرح
الاقي الكلمة قاتلاني
فاعيد الحلم من تاني
أكون فارس في ليل حواديت
فتحت بلاد كتير وغزيت
على رووس العدا غنيت
فالاقي مخاوفي منعاني
فاعيد الحلم من تاني
بلادنا تشيلنا في عيونها
ونخلص ليها مانخونها
ندافع عنها ونصونها
والاقي بلادي رافضاني
فاعيد الحلم من تاني
وتوب الحلم مايكفيش
ومركب صبري متوديش
فاعيد الحلم من تاني
ببيت حته من الجنة
وانا بحبيبتي باتهنى
وحبة الحزن يستنى
فافوق واغرق في احزاني
واعيد الحلم من تاني
بصاحب في الزمان قنديل
وفي السكة يكون لي دليل
يشيل وقت الحمول ماتميل
فافوق ولالقيني وحداني
واعيد الحلم من تاني
بكلمة تداوي ولا تجرح
بود وطيبة راح تطرح
وفينا الحب ليه مطرح
الاقي الكلمة قاتلاني
فاعيد الحلم من تاني
أكون فارس في ليل حواديت
فتحت بلاد كتير وغزيت
على رووس العدا غنيت
فالاقي مخاوفي منعاني
فاعيد الحلم من تاني
بلادنا تشيلنا في عيونها
ونخلص ليها مانخونها
ندافع عنها ونصونها
والاقي بلادي رافضاني
فاعيد الحلم من تاني
3 comments:
أنا عارفة إنى مقصرة جامد جامد جامد موووت أنا أسفة و الله
حضرتك عارف الدنيا مشاغل ههههههه
و محدش بيعرف ينصرف من غيرى طبعا ههههه
عموما أنا عازمة حضرتك إتنين لمون هنا يا بنى بسرعة
طبعا اكيد يعنى سيادتك مش محتاج أقول رأيى فى القصيدة هعد أقول حلوة جدا و تحفة و معبرة و ملهاش حل بس انا زهقت من الكلام دة بقوله كل مرة ههههه
بس عموما القصيدة روعة و تحفة و حلوة جدا و ملهاش حل برده ههههههههههههههه
ابدااااااااع بجد
احساسك اكثر من راقي
ربي يوفقك وننتظر مزيدك
سلمت يمناك
بـــ الندى ـــرد
Post a Comment