Friday 31 August 2007

انـتـظــار


وأدت حـبي في لـيالي الإنتـظـار**** فـما نسيت عينيك ولا نقص الغرام

علا الشوق يوما فأعليتِ الجدار**** وكان قرار البعد منك انـتقام


أعلـنـتُ حـبي فأعـلـنـتِ القرار**** فلم تجدِ آهاتي ولا نفع الكـلام


ولمحت في عينيك نشوة الإنتصار**** نكأتْ جروحي وأبت معها الـتـئام


سهول هواك في الـبُعد أضحت قفار**** تموج باللواعج ولا تخفي احـتـدام


وأضحى ملـقـانا للذكرى مــزار**** يشفى الجراح وللسـلـوى مقــام


عبثا تقتلين الهـوى بأنانية الصغار**** فـأنـا لا أهـواكِ لكن أهـوى الـغـرام



12 comments:

the only thing better than love is freedom said...

هيييييييييييه أنا أول كومنت و سكايار إتنازلى عن البطولة خلاص ههههههههههههههههههه

يا سلام عليك يا أستاذ رومانتيكا لما تبقى رايق كدة
بجد القصيدة حلوة أوى بس أنا حاسة إنك بعدت عن فاروق جويدة و قربت من الشعر الجاهلى شوية
بس الإتنين بنفس الكفاءة صدقنى مفيش فرق فى الروعة أو مستوى الوصف والألفاظ

بجد أنا لما قريت الشعر حسيت إنى شايفاه كأنه بيحصل قدامى و لما جيت تعاتبها فى البيت الأخير كنت رائع بكل ما تحمله الكلمة من معنى

و الله مش عارفة أوصف إحساسى فعلا بس كل اللى أقدر أقولهولك إنك موهوب و الإنسان الموهوب بالفطرة زى سعادتك مش بيبذل مجهود عشان يعمل حاجة كويسة

فاهمنى

ربنا يوفقك و أشوفك ناجح و دى مش مجاملة

Halawa said...

حبيب قلبي

أول بيت عجباني فكرة الوأد جدن
كبداية استهلال رغم انها قاسية قوي
مش متأكد لو الياء دي زيادة ولا ايه؟
بتهيألي يبقى تحت التاء كسرة بس وأدت

البيت التاني والتالت
فكرة الهات وخد
في الجون أعلنت فأعلنت
علا فأعليت
رد فعل سريع
دليل انها غدارة
وعندها استعداد للتنفيض
وده واقعي قوي في العصر ده

الصورة نكأت
سهول هواك قفار مبتكرة جدن

كلمة ملقانا تقيلة مش عجباني

البيت الأخير نهاية فيها شرف العاشق
منطقية بس معقولة
فكرتني بأغنية كاظم الساهر

الليلة احساسي غريب
عاشق وانا مالي حبيب
قلت أحب الحب أحسن

مش عارف جت معايا كده

بالتوفيق يا ملك

Romantica said...

همبكاوي ... احنا لينا الشرف والله
وبعدين انا كتبت جاهلي علشان اخرج نفسي من دايره فاروق جويدة اللي انت وحلاوة حاطيني فيها لرغم اني باعشق فاروق جويدة وشعره..... والكلام ده كبير قوي عليا والله
وعلى العموم شرفتي البلوج

جميله بو حريد said...

اول زياره لمدونتك العزيزه وربنا يستر عليها بقى منى

المدونه جميله وخصوصا الشعر ده جميل جدا و اكتر حاجه عجبتنى المفردات اللى مستخدمها

ربنا يوفقك وتكتب اكتر واكتر وشكر ا على المررور عندى

Anonymous said...

اخويا وروح قلبى عاصى
لعل هذه اول مرة اكتب لك تعليقى عن كتاباتك وقد تعجز الكلمات عن تعبيرى عن مدى اعجابى بأشعارك كلها بداية من قصيدة بلقاس شربين بجنية وربع وصولا الى قصيدة.......-يارب تفهمنى-
بداية واثق مليون المئه انه مازال فى جعبتك من الأشعار والاحاسيس ما يجعلنى أعجز حتى فى التعبير عن روعته بل اكتفى
برعشة تسرى فى عروقى يهتز لها وجدانى اعلانا عن مدى تأثرى بجزالة اسلوبك ورقى أحاسيسك ورقتها .
فى كلام كتير عاوز اقولهولك بس النت ضيق مش هيكفى كلامى...............
اخويا وروح قلبى عاصى
لعل هذه اول مرة اكتب لك تعليقى عن كتاباتك وقد تعجز الكلمات عن تعبيرى عن مدى اعجابى بأشعارك كلها بداية من قصيدة بلقاس شربين بجنية وربع وصولا الى قصيدة.......-يارب تفهمنى-
بداية واثق مليون المئه انه مازال فى جعبتك من الأشعار والاحاسيس ما يجعلنى أعجز حتى فى التعبير عن روعته بل اكتفى
برعشة تسرى فى عروقى يهتز لها وجدانى اعلانا عن مدى تأثرى بجزالة اسلوبك ورقى أحاسيسك ورقتها .
فى كلام كتير عاوز اقولهولك بس النت ضيق مش هيكفى كلامى...............
اخويا وروح قلبى عاصى
لعل هذه اول مرة اكتب لك تعليقى عن كتاباتك وقد تعجز الكلمات عن تعبيرى عن مدى اعجابى بأشعارك كلها بداية من قصيدة بلقاس شربين بجنية وربع وصولا الى قصيدة.......-يارب تفهمنى-
بداية واثق مليون المئه انه مازال فى جعبتك من الأشعار والاحاسيس ما يجعلنى أعجز حتى فى التعبير عن روعته بل اكتفى
برعشة تسرى فى عروقى يهتز لها وجدانى اعلانا عن مدى تأثرى بجزالة اسلوبك ورقى أحاسيسك ورقتها .
فى كلام كتير عاوز اقولهولك بس النت ضيق مش هيكفى كلامى...............
خلاصته ان من يعرفك أخ وصديق لن يحتاج الى قرأة مدونتك بل يكتفى بالدعاء لله ان تدوم له أخ وصديق.
وختاما بالتوفيق يا ابن العاص والله يديمك لمن احبك أخا....صديقا....شاعرا....انسانا....طبيبا...
ومن القلب سلااااااااااااام
أخوك :البرنس like no other

Anonymous said...

والله مبدع والابداع ده مش غريب عليك لانى من اول ما عرفتك حسيت انك هتبقى حاجه او حاجتين مش عارف بس جامد جدا يا رومانتيكا والله
لا بجد انت موهوب رغم انى اما بقعد معاك بحس غير كده يمكن علشان مش قريب منك اوى
المهم نخلينا فى القصيده اجمل ما فيها
سهول هواك في الـبُعد أضحت قفار**** تموج باللواعج ولا تخفي احـتـدام
انت عارف ليه لانه البيت الوحيد اللى مش فاهمه ياريت تفهمهولى
والله حبيبى

Anonymous said...

كالعاده ياباشا القصيده جميله واحساسك فيها عالى اوى
والبيت الاخير ده يجنن

عبثا تقتلين الهـوى بأنانية الصغار**** فـأنـا لا أهـواكِ لكن أهـوى الـغـرام

Anonymous said...

انا مش هعلق على القصيده لانى مش بحب الشعر ولكن الى يستاهل التلعيق هوه الى كتب الشعرلانه فى نظرى والله العظيم صلاح جاهين التانى لانه موهوب فعلا فى حجات كتييييير الى لو هوه طلعها للناس هتعجب جدا بيه وانا بقوله طلع حجات الى عندك وانت مخبيهاوانشرها اكيييييييد فى ناس كتير هتعجب بيك بجد

قـلـب فـاضي said...

مكدبش عليك في كلام كتير مفهمتش معنhi اصله كلام كبير اوي بس علي اد ما فهمت احب اقولكم انها جميله واكتر حته عاجباني وفهمتها والحمد لله
علا الشوق يوما فأعليت الجدار....وكان قرار البعد منك انتفام.
بالتوفيق انشاء الله .

الخيط الرفيع said...

شعرت بحاله وعكسها في نفس الوقت
يعني وأدت حبي
ولا نقص الغرام

اختلف معك ان
ملقانا والذكري...ستكون لشفاء الجرح او مقام للسلوي
علي العكس تماما ستكون مجال ومكان لتجديد الاحزان وفتح الجروح

ولكني اعلنها صريحه وبشدة الكلام ولفته في القالب الشعري دا كلام رفيع وعلي مستوي
وفي هناحتت اطلال المحبوبه بشكل عصري شويه
قريب من المدرسه الجاهليه وبردوا القرب واضح في بعض الالفاظ مثل :اللواعج، احتدام،وأدت

وملقانا كلمه فيها رواسب لبعض المشاعر المتبقيه

والبيت الاخير
مش عارفه حسه انه من الابيات اللي هدندن بيها

عبثا تقتلين الهـوى بأنانية الصغار**** فـأنـا لا أهـواكِ لكن أهـوى الـغـرام


فيه تركيبه لطيفه وهي انا نية الصغار
وفلسفة في انا لا أهواك ولكن أهوي الغرام
وطبعا جدير بالذكر ان اتكلم عن بوستي بنحب ولا بنحب الحب
وأطلب منك قرايته عشان بيتلاقي وع أخر شطر في قصيدتك
تحياتي واعتذاري علي التأخير

Anonymous said...

القصيده جميله جدا والى يقراها يعرف انك مثقف جدا وبتقرا فى حاجات كتير بس البيت الاخير انا شايفه انه متناقض شويه مع الى اقبله ولا انت رايك ايه؟

Anonymous said...

فـأنـا لا أهـواكِ لكن أهـوى الـغـرام.. عاجبني الجزء ده اوي .. و طبعا القصيده كلها عاجباني