من صغري وأنا اعشق الادب(مش اللي فضلوه عن العلم) لا قصدي
القصة والروايات والشعر
وأعشق كتابة الادب اكتر من قرايته _نوع من النرجسية يعني_ وكتابة
عندي يعني كشكول 100 ورقة وقلم رصاص خشب وقعدة في البلكونة وجنبي كوباية شاي
, أو وانا قاعد باذاكر في ورق الدشت اكتب قصايدي في ضهر الورقة
اللي باذاكر فيها علشان لو حد دخل عليا واشطب عالكلمة دي وامسح الشطر ده
وارسم وردة وقلب جنب القصيدة
وكنت باستمتع بعملية الكتابة نفسها وكنت اكتفي بقراءي المتواضعين
من ابي وامي واختي اللي انا قارفهم معايا وماكانوش بيقولوا على اي قصيدة او قصة وحشة
او اوسع الدايرة شوية واعرضه على اصحابي .... او اوسع العملية قوي
وانزلها في معرض في الكلية
وكنت راضي بحياتي وكتاباتي وقلمي وكوباية الشاي بتاعتي .
لحد ماجه صديق السوء- حلاوة - وقاللي على حكاية التدوين
وقعد يحكيلي عن مدونته وبصراحة هو معلم واستاذ,
المهم انه اقنعني وقاللي عالجو وبهرني الموضوع وربنا يصلح حاله
هو اللي بيساعدني وياخد بايدي .ربنا يديله على قد نيته (لا بلاش دي)
يصلح حاله بس
المهم انه قالي جرب التدوين عالنت
,المهم قعدت عالكومبيوتر وانا علاقتي بيه لا تتعدى اني العب
need for speed او اتفرج على toy story
واذا بي اجد عالم آخر غير اللي انا عايش فيه
عالم ليها قضايا عايشه علشانها ومجتمع تاني وشباب تاني غير اللي باشوفهم عالقهاوي وفي الشوارع
بيعاكسوا البنات وبنات تانية غير اللي باشوفهم في الشوارع برضه علشان يتعاكسوا.
ولكن المشكله اني قعدت قدام الكومبيوتر علشان اكتب حاجة
..إن في وحي ينزل مفيش
اكتشفت حاجة ان الكلام عندي مرتبط بالكشكول والقلم الرصاص وكوباية الشاي
فقررت اني اكتب اي موضوع يدوي وبعدين اسجله عالبلوج
فانا باقول للناس ذوي الخبرة واخص بالذكر- المبدع حلاوة - ساعدوني ياناس
في هذه الدنيا الواسعة الملعبكة الجديدة عليا وتقبلوا اي اخطاء مني في الاول
انا كان ايه اللي زنقني الزنقة دي .. وشكلي هارجع للكشكول ..
هو راح فين ده باينه ضاع
وختاما ......سلام و وتحية كبيرة
القصة والروايات والشعر
وأعشق كتابة الادب اكتر من قرايته _نوع من النرجسية يعني_ وكتابة
عندي يعني كشكول 100 ورقة وقلم رصاص خشب وقعدة في البلكونة وجنبي كوباية شاي
, أو وانا قاعد باذاكر في ورق الدشت اكتب قصايدي في ضهر الورقة
اللي باذاكر فيها علشان لو حد دخل عليا واشطب عالكلمة دي وامسح الشطر ده
وارسم وردة وقلب جنب القصيدة
وكنت باستمتع بعملية الكتابة نفسها وكنت اكتفي بقراءي المتواضعين
من ابي وامي واختي اللي انا قارفهم معايا وماكانوش بيقولوا على اي قصيدة او قصة وحشة
او اوسع الدايرة شوية واعرضه على اصحابي .... او اوسع العملية قوي
وانزلها في معرض في الكلية
وكنت راضي بحياتي وكتاباتي وقلمي وكوباية الشاي بتاعتي .
لحد ماجه صديق السوء- حلاوة - وقاللي على حكاية التدوين
وقعد يحكيلي عن مدونته وبصراحة هو معلم واستاذ,
المهم انه اقنعني وقاللي عالجو وبهرني الموضوع وربنا يصلح حاله
هو اللي بيساعدني وياخد بايدي .ربنا يديله على قد نيته (لا بلاش دي)
يصلح حاله بس
المهم انه قالي جرب التدوين عالنت
,المهم قعدت عالكومبيوتر وانا علاقتي بيه لا تتعدى اني العب
need for speed او اتفرج على toy story
واذا بي اجد عالم آخر غير اللي انا عايش فيه
عالم ليها قضايا عايشه علشانها ومجتمع تاني وشباب تاني غير اللي باشوفهم عالقهاوي وفي الشوارع
بيعاكسوا البنات وبنات تانية غير اللي باشوفهم في الشوارع برضه علشان يتعاكسوا.
ولكن المشكله اني قعدت قدام الكومبيوتر علشان اكتب حاجة
..إن في وحي ينزل مفيش
اكتشفت حاجة ان الكلام عندي مرتبط بالكشكول والقلم الرصاص وكوباية الشاي
فقررت اني اكتب اي موضوع يدوي وبعدين اسجله عالبلوج
فانا باقول للناس ذوي الخبرة واخص بالذكر- المبدع حلاوة - ساعدوني ياناس
في هذه الدنيا الواسعة الملعبكة الجديدة عليا وتقبلوا اي اخطاء مني في الاول
انا كان ايه اللي زنقني الزنقة دي .. وشكلي هارجع للكشكول ..
هو راح فين ده باينه ضاع
وختاما ......سلام و وتحية كبيرة
22 comments:
يا ابني دي أقل حاجة عندي
انت عارفني بشد لأي سكة فسااد
ده واجبي
متبوسش كوعي ياعيلااااااااء
ياباشا انت تأمر بس
ومن حقي أعمل كل اللي
أنا عايزه في البلوج
أنزل بوستات أزبط الوان أمسح بمزاجي بقى
بس أنا عايز قصااااااااااااااايد
دوووووووووس يا دكتره ولا يهمك
احنا وراك بالروح و الدم
طرااااااااااااااااااااااااخ
اى لأ كله الا ده
وربنا ما طالع ف مظاهرات تانى
اكتب و سيب كل الحربه للى انت عايزه تقوله و ميهمكش ان تغلط ايه يعنى
سلاااااااااااموز و عنب
طرااااخ ... لأ يا حلاوة .... طررررراخ... خلاص يا حلاوة خلاااص
مبروووووك يا برنس الدخول لعالم التدوين ومبروووك على عالم التدوين كماااان
انا جيلك بارادتي ورغبتي اعلق ... سيبك من اللي اقلام اللي كلتها على قفايا فوووق دي
بجد انا عديت عليك في البلوج امبارح واول ... اهدى شوية علشان الناس تلحق تعلق ويبقالك جمهووور متعملش زي سكايار كل يومين بوست
هههههه
بس مسألة الكشكول دي ... انا لسه لحد النهاردة بكتب في الاجندات بتاعتي ولسه بشيل ورق في جيبي الوراني علشان لما الوحل ينزل الحق اكتب ... بس لما حاجة كتبتها تعجبك ضروري تشاركنا فيها في البلوجااات يا ريس
وعلى رأي حلااااوة
دوووووووووس
يا رومانتيكا
من زمان وانا بقول عليك انك متنفعش دكتور انت المفروض تكون اديب
زى عمرو وعماد كده
بس ليا ملحوظه صغيره:
بلاش التواضع اللى انت فيه ده يعنى ايه علاقتك بالكمبيوتر لا تتعدى توى استورى ونيد ففور سبيد
يا راجل بلاش التواضع ده ده انتى اللى علمتنى ازاى ادخل النت واستفيد منه على اكمل وجه
انت ناسى يا رومانتيكا اول منا جبت الباندا
قصدى النوكيا 6600
مين اللى جبلى عليه كل حاجه البرامج والالعاب والكليبات
وكنت بتتعب عشان تلاقى حاجات مساحتها صغيره عشان الميمورى كان صغير
انا اتذكر ان انت اول واحد جبت برنامج تقطيع الافلام والكليبات والاغانى وضغطها عشان تنزل على الموبايل
ازاى بقى تبقى متعرفش حاجه فى الكمبيوتر
يا اخى بلاش التواضع ده
يالورد كريمر احنا تلامذتك ودي حاجة-basic-ومحدش بختلف عليهاووبعدين انت نسيت لما قعدت معايا اربعين يوم وليلة بعد ماجبت الجهاز علشان تعلمني عليه لح مبقيت العملية ماشي زي السكينه في _الفطيرة_ولا ايه
بصراحه انا جيت ادور على كلام الاقيه........ حيث ان انت راجل لووز اوى وصديقى, علشان ابدى بيه قدر اعجابى ما لقيتش فى الاخر.... قلت لنفسى (انت محير نفسك ليه) ابتديت مع كشكول وقلم رصاص وكوباية شاى يعنى دماغ متكلفه يضفى عليهم جو البلكونه من الاخر طلعتك جويه والسحابه من جنبك معديه وكمان كلامك شمعه ومضويه الله لا يحرم النت من هنا ورايح من موضوعاتك اللى بجد انا حاسس انها اكيد هاتكون لزيزه وخفيفه وجميله اما بالنسبه لدخلتك الوليه موش بتقول انك جديد فى موضوع الدنيا الجديده يا باشا انت ما ساء الله تعلمنى يارا جل .............. وانا عيب قوى يكون لعاصى على اى سايت كلام جديد وموش اقرؤه بالعكس اول واحد يكون معاك انا يا باشا على فكره ان اليومين دول بروح جيم وبعمل دايت ....عموما البدليه جميله جدا جدا وروحك فيه مرحه قوى دووووووووووس يا رايس وكانا ورااااااك elzawaw
ولا زنقه ولا حاجه يا جميل انت قدها وقدود وياريت تبدع كده زى ما انت مبدع فى البيت وق........معاك وبعدين احنا لازم نشجعك ونسمعلك مهو لو معملناش كدة مين غيرنا يستحمل يارب اعيش واشوفك صاحب احسن plog فى الدنيا ماهى الدكاتره كتييييييييير
اختي الحبيبة
ولو اني عارف ان كلامك تريقة بس انتي نورتي البلوج وزاد شرف بس ياريت تتابعيني وتديني رايك زي زمان وطبعا لو انتي ماديتينيش رايك مين يعني اللي هيقول
وقولي لبابا وماما يدخلوا هما كمان
مصاء الخير
:D
نفسى اعرف ايه اللى دخل البنى أدم اللى اسمة الزواوى هنا
ومبسوط اوى وحاطط ايميله
:D
الله يحرقك
دا مش شات روووووووووووم يا زو
:D
أما بخصوص البلوج
اكتب يا مان واحنا وراك
:)
وإن شاء الله الوحى ينزل
لاتقلق
لاتقلق
لاتقلق
هم المبدعين كده
:D
تحياتى
مبدع ايه بس ياأوس أوس ربنا يخليك ياعم . ياريت تشرفنا كده على طول
بس انت مين بقى
لاتقلق هتلاقينى دايما هنا يا جميل
:)
بس انت تكتب بس
دى مدونة ابو عمار
http://abouammar.blogspot.com
اوعى تدخل الزواوى هنا تانى اصل هينحس المدونة
:D
ابو عمار مش تقول ياراجل انك موهوب كدة كانت فين المواهب دي من زمان
مبروك الكلام الجامد قوى دة ومستينين اشعارك القديمة والجديدة كمان وربنا يكتر بنات افكارك
ربنا يخليكي كلام جامد ايه بس ده احنا لسة بنبتدي وياريت تبقي صديقة البرنامج .... قصدي صديقة البلوج يعني تدخلي كل يوم كل يوم و تعملي كل يوم كومنت جديد
جميل يلا ورينا
مها بتقولك الف مبروك والقصيده تحفه
يا سيدي كمبيوتر كشكول شاي قهوة
المهم
انك تحب الحاجة اللي تكتبها قبل اي قارىء ليها
والكتابه عالكمبيوتر حلوة في حاجات وسخيفة بردو في حاجات
لكن طبعا مفيش اطعم ولا الذ من الكشكول ابو مية ورقه والقلم الرصاص
وكباية الشاي طبعا
ربنا يوفقك
وانشاء الله موفقث
---------
اه عشلن متقولش اني تجاهلت القصيدة اللي فوق
طبعا محصلش انا قريتها مرتين بس الوزن فيها واقع كتير جدا وضميري مش هيسمحلي اقول لا حلوة ولا وحشة غير لما تكون خارجة بصورة نهائية
لكن طبعا عاجبني فيها جدا روح الاكتآب والسوداوية
:)
welcom to the clup
يعني انت اكتشفت انك ملاكش في الحاجات دي, طيب لو كان ليك كنت عملت ايه يا ظالم,والله كشكول -بلوج- ورقه من الشارع-الجن الازرق.برضه هتبقي من ابرع اللي شفتهم بيكتبوا.
يابنى هو اى حد يقولك حاجة كدة تصدقها على طول
كنت تعالا اسألنى
عموما الحمد لله انك ما سألتش عشان نشوف الابداع ده
Post a Comment