Sunday 12 August 2007

في بيتنا هدف


الى كل كائن هلامي ...أهديك سلامي... وعليك هيكون كلامي

هتسألوني يعني إيه


كائن هلامي


الكائن الهلامي هو اللي مالوش اي لازمة


في الحياة واللي عايش في دوامة مش عارف يخرج منها ,نفس النظام ونفس الأحداث اليومية


بلا أي تجديد وتيجي تدور متلاقيش أي إستفادة,كل الحياة أكل ونوم وأغاني ونت وبنات


ومعاكسات .....بلا أي هدف يذكر


المعروف علميا إن


الهدف هو المحرك الأساسي اللي بيخلينا نقوم بأي عمل أو ناخد أي خطوة في حياتنا,


يعني المخ لازم يفكر ايه الهدف من الخطوة دي علشان يحرك الأيد مثلا ولو الأيد


اتحركت مثلا من غير سبب او هدف بتبقى حالة مرضية


والوصول للهدف في حد ذاته يعد انتصار للشخص في معركة الحياة.


والموضوع الأساسي الي باتكلم عنه هو موضوع البنات


وكلمة بنات دي مش قصدي بيها الحب لأ....أنا قصدي ان الشاب الهلامي يلبس ويتشيك


ويسقط البنطلون ويضرب جيل وينزل شارع حيوي(حيوي هنا يعني مليان بنات) ويقف عالناصية


يستنى البنات المعدية علشان يبص ع الرايحة والي جاية ويقابل ديه ينسى ديه , ولو كان


معاه عربية بقى ياسلام .... يرجع الكرسي ورا ويشغل الكاسيت ويعليه لحد ماهو شخصيا


يطرش من الصوت ويلف بالعربية في نفس الشارع الحيوي ويبص على نفس البنات اللي صاحبه


اللي واقف عالناصية بيبص عليهم وخد دة طول الليل ويوميا وحياته كلها بقت كدة وتحس


لما يفضي نفسه للمعاد المقدس ده كأنه بيعمل حاجه مهمة يعني . طيب وتيجي تسأله إيه


هدفك من اللي انت بتعمله هيقولك إنه شاب زي بقية الشباب ومن حقه يحب .. المشكلة إن


الكائن ده واللي حياته كلها بنات ميعرفش يعني ايه حب , محدش قالك متحبش وده حقك


المشروع كإنسان ومتسمعش كلام الأفلام بتاع مفيش حاجة اسمها حب والحب عيب

وإحنا مش بتوع الكلام ده


بس الحب حاجة كبيرة جدا وهدف في حد


ذاته ومش بس كدة ده ممكن يكون وسيلة لحاجات اسمى


طبعا هدف.... يعني انت بتصلي وتصوم وترضي ربنا علشان ربنا يحبك ده مش


هدف؟؟ ده اسمى هدف


وبتبر والديك وتسمع كلامهم علشان


يحبوك .. ده مش هدف!!


وبتقف جنب اصحابك في المواقف


الصعبة وتسد في اي مناسبة وتجري وتروح وتيجي علشان اصحابك يحبوك


وطبعا طبعا بتعمل قرد للشخص اللي انت بتحبه- شريك حياتك مستقبلا - ولو


طلت تجيب له حته من السما علشان يحبك زي مبتحبه قول بقى ان ده مش هدف وطبعا حبك


اللي انت بتغرق بيه الشخص اللي انت بتحبه وسيله انك تكسب رضاه


ومش بس كدة ده انا احط الحب ده كحافز ليا في حياتي .. يعني اني اخلص


تعليمي كويس-وان شوت يعني- واشتغل في وظيفة كويسة علشان اقدر افتح بيت كويس اعيش


فيه انا وبنت الناس اللي انا بحبها ماهو انا مش جايبها من الشارع يعني


ماهو انا لما أحلم باليوم اللي هيجمعنا سوا لازم يجي في الباك جروند


بتاع الحلم شكل البيت اللي هنسكن فيه وهنعيش ازاي ...

يعني الحلم يبقى على ارض ثابته


يعني برضه يبقى الحب هدفك وهدفك كمان انك


تحافظ عليه فى حياة كريمة لكن ان الحياة لحظات


من الاستمتاع التافه واللذة المختلسة كل يوم فكدة طبعا

بقينا مش الانسان للى له رسالة


عايش علشانها.


هتسالوني ايه الهدف من البوست ده


هاقولكم بلا اااااااا هدف





9 comments:

Halawa said...

باااااااااااشا

أهلا بيك في الدنيا الجديدة
شغل جميل بجد
وده يمكن اللي شايفه جواك
من يوم ماتقابلنا
بتدور ع الدنيا النظيفة
دور ياجميل ربنا معاك
كلنا بنفكر وندور ونتعب

عجبتني اوي
فكرة الحلم على ارض ثابتة
لأن دي الحقيقة

لو حلمك مش بتاعك متحلموش
لأنك تبقى حرامي أو مجنون
بيشبط في أي حاجة حلوة

دوووووووووس ياملك ربنا معاك

سيب الكومنتات من غير موافقتك
كده أحسن أنا عملتهالك
علشان الناس متزهقش
ولو حد كتب حاجة مش عاجباك أو قبيحة ياسيدي امسحها


تحياااااااااتي سي يووووو

Halawa said...

شوف اللينكات من عندي من الأول كده

وحبة حبة اقرى وشوف واللي يعجبك خش له

وهخليهم يضيفوك

بالدراااااااع متقلقش

بس انت اكتب وملكش دعوة

Anonymous said...

ايه الموضوعات الجامده دى يا باشا

بس عاوز اقولك حاجه كلنا بنحلم
انت بتحلم وانا بحلم بس فى احلام مؤقته سريعه مبتخدش وقت وبتفوق منها بسرعه

وفى حلم يستاهل انك تتعب عشانه حلم متعدد الاهداف ممكن اتنين وممكن تلاته حلم ميرجعكش لوره لا ابدا ابسولوتلى
بس المهم انك تقدر توصل لاهدافك لانك لو فشلت يبقى هتفضل طول عمرك فى المؤخره

Anonymous said...

هدف ايه اللى بتتكلم عنه مهو الواحد لوكان عارفله هدف فى الدنيا ديه كانارتاح من زمااااااااااان هوة انت متعرفش ان هدف كل بنت فى الحياه انها تلاقى واحد يبقى منحقها تنكد عليه وبمجرد ما ده يحصل خلاص اهدافها من الدنيا كلها اتحققت واخيرا اتمنى من ربنا انك تلاقى هدف علشان تسعى وراه وتحققه وسلامsnow white

Anonymous said...

هدف ايه الى انت جاى تقول عليه يبنى اهداف دى لى حد غيرنا الى يقدر يحدد هدف ويقدر يحققها من غير ضغوط وحاجات من الى انت عرفها

Anonymous said...

علي فكره الموضوع ده جامد جدا ومهم جداوخطير جدا جدا لان بجد كلنا نفسنا نحقق احلامنا من غير ما نعمل حاجه او حتي نحدد اهدافنا ايه,بس بجد انا نفسي اعمل حاجات كتير اوى مش عارف هعملها امتي وازاي, بس يا رب كل واحد مننا يحقق احلامه كلها بس ياريت نشد حيلنا شويه لان الموضوع مش سبهلله كده.

Anonymous said...

احط الحب ده كحافز ليا في حياتي
الجمله دى خطيره اوى لو عرفنا معناها بجد لان فى ناس كتير بتحب لمجرد انه لازم يحب وخلاص لكن يحب ليه وهيعمل ايه علشان اللى بيحبه ده ده عنده مش مهم المهم يتقال انه حب وخلاص مر بتجربه يعنى زى ما بيقولو
المهم ان موضوعك روعه يا حبيبى والله ومكنتش اعرف ان عندك المواهب الجامده دى ربنا يوفققك وتكون لقيت الهدف وتعمل على تحقيقه يارب

مطرح ما ترسى....دقلها said...

تقول ايه بقى
عيال مش متربية

بس مش عارف يابرو
الدنيا دى لم يعد لها مقاييس ثابتة
وانا بقيت شايف انى اسيب كل واحد يعمل اللى هو عاوزه
كدة احسن ليا وليك وله وللحكومة

Anonymous said...

لو ده رايك حقيقى ربنا يكملك بعقلك ويكملها عليك بالستر